رووداو دیجیتاڵ
مەسرور بارزانی، سەرۆکوەزیرانی هەرێمی کوردستان و دیک شوف، سەرۆکوەزیرانی هۆڵەندا لە داڤۆس کۆبوونەوە؛ بەپێی راگەیێندراوی حکومەتی هەرێمی کوردستان، جەختیان لە گرنگیی بەهێزکردنی پەیوەندیی دوولایەنە کردووەتەوە.
کۆبوونەوەکە ئەمڕۆ چوارشەممە، 22-1-2025 بووە.
حکومەتی هەرێمی کوردستان دەڵێت، لە دیدارەکەدا، "هەردوولا جەختیان لە گرنگیی بەهێزکردنی پەیوەندیی دوولایەنە لە بوارە جۆراوجۆرەکاندا کردەوە".
دەشڵێت، بەشێکی دیکەی گفتوگۆکان، "تایبەت بوو بە گۆڕانکاری و پێشهاتەکانی رۆژهەڵاتی نێوەڕاست، بەتایبەتی سووریا، هەردوولا هاوڕابوون لەسەر پێویستیی پاراستنی ئاشتی و سەقامگیری و پشتیوانیی کۆمەڵگەی نێودەوڵەتی بۆ پێکهێنانی حکومەتێکی گشتگیر و هەمەلایەنە و بەشداریی هەموو پێکهاتەکانی سووریا لە پرۆسەی سیاسی و بەڕێوەبردنی وڵاتەکەیاندا".
لە داڤۆسی سویسرا کۆڕبەندی ئابووریی جیهان بەڕێوەدەچێ و سەرۆکوەزیرانی هەرێمی کوردستان بەشدارە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ