رووداو دیجیتاڵ
بەیانیی ئەمڕۆ فڕۆکەکانی تورکیا سنووری دوو گوندی ئامێدییان لە پارێزگای دهۆک بۆردوومان کرد.
بۆردوومانەکە کاژێر 07:40ی بەیانی بووە لە گوندەکانی گوهەرزێ و بەلاڤە. هەڤاڵ بەرکاهینی، هاونیشتمانیی سنوورەکە بە رووداوی گوت، بەهۆی بۆردوومانەکەوە زیان بە پڕۆژەیەکی ئاو گەیشتووە.
دانیشتووانی ئەو دوو گوندە لە رێگەی ئەو پڕۆژەیەوە کە بە ماتۆڕێک ئاوی دەگەیاندە گوندەکان، ئاویان بۆ مەڕوماڵاتەکانیان دابین دەکرد.
پڕۆژەکە دەکەوێتە بناری چیای مەتین و بەهۆی بۆردوومانەکەوە، بەگوتەی ئەو هاونیشتمانییە، بە تەواوی لەکار کەوتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ