رووداو دیجیتاڵ
گوتەبێژی بەرگریی شارشتانیی سۆران دەڵێت، تیمەکانیان لەنێو حەوزێکدا لە زینوێ -ی چۆمان تەرمی هاونیشتمانییەکیان دەرهێناوە لە کاتێکدا ویستوویەتی مەڕێک لەنێو حەوزەکە دەربهێنێت، کەوتووەتە ناویەوە و خنکاوە.
رائید رەوەند مەغدید، گوتەبێژی بەرگریی شارشتانیی سۆران رۆژی پێنجشەممە 22-08-2024 بە تۆڕی میدیایی رووداوی راگەیاند: "هاونیشتمانییەکە ناوی عەبدوڵڵا حوسێن شێخزادەیە و دانیشتووی گوندی سرێشمەی سەر بە قەزای خەلیفانە. تەمەنی 36 ساڵە."
رائید رەوف مەغدید باسی لەوەشکرد، کە تەرمی خنکاوەکە رەوانە نەخۆشخانە سۆران کراوە و کەمێکی دیکە بۆ لێکۆڵینەوە رەوانەی دادپزیشکی دەکرێ.
لە 8 مانگی ئەم ساڵدا 13 کەس لە رووبار و حەوزەکانی سنووری ئیدارەی سەربەخۆی سۆران خنکاون، کە سێ دانەیان لە حەوزدا خنکاون، 10 کەسیان لە چەم و رووبارەکاندا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ