کۆبوونەوەی نێچیرڤان بارزانی لەگەڵ کۆنسووڵی تورکیا لە هەولێر
رووداو دیجیتاڵ
سەرۆکی هەرێمی کوردستان پێشوازی لە کۆنسووڵی گشتیی تورکیا لە هەولێر کرد و سوپاسی هەوڵەکانی ئەو وڵاتەی کرد بۆ گەڕانەوەی گەشتیاران.
نێچیرڤان بارزانی، سەرۆکی هەرێمی کوردستان و ئەرمان تۆپچو، کۆنسووڵی گشتیی تورکیا، باسیان لە پهيوهندييهكانى توركيا لهگهڵ عێراق و ههرێمى كوردستان، دوايين پێشهاتهكانى دۆخى رۆژههڵاتى نێوهڕاست و مهترسى و لێكهوتهكانى کرد.
ههروهها جووڵهى هاتووچۆيان له سنوورهكانى نێوان ههرێمى كوردستان و توركيا دواى داخرانى فڕۆكهخانهكان له عێراق و ههرێمى كوردستان، تاوتوێ كرد.
سەرۆکایەتیی هەرێمی کوردستان دەڵێت، نێچيرڤان بارزانى سوپاسى لايهنه پهيوهنديدارهكانى توركياى كرد بۆ ئهو ئاسانكارييهى بۆ گهڕانهوهى گهشتياران و هاووڵاتييانى ههرێمى كوردستان و عێراق له خاڵه سنوورييهكان پێشكێشى دهكهن. بهتايبهتى ستايشى رۆڵى كۆنسووڵى گشتيى توركياى له ههرێمى كوردستان و تيمهكهى كرد.
كۆنسووڵى توركيا، ئامادهيی لايهنه پهيوهنديدارهكانى وڵاتەکەی بۆ پێشكێشكردنى ههموو ئاسانكارييهک بۆ گهشتياران و هاووڵاتييان و سهردانيكهرانى ههرێمى كوردستان له خاڵه سنوورييهكان دووپات كردهوه، ههروهها ستايشى دهزگا و لايهنه پهيوهنديدارهكانى ههرێمى كوردستانى له خاڵه سنوورييهكان كرد كه تهواوى ئامادهكارييان بۆ ئهو دۆخه كردووه.
له تهوهرێكى ديكهى ديدارهكهدا، باسیان لە چهند پرسێكى جێى بايهخى هاوبهش کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ