رووداو دیجیتاڵ
لە پارێزگای وانی باکووری کوردستان، بەهۆی بەفربارینەوە رێگەکانی 429 گوند و کێڵگە داخران. تیمەکان دەستیان بە راماڵینی بەفری سەر رێگەکان کردووە.
لە ناوەندی شاری وان لە پاشنیوەڕۆی رۆژی سێشەممە 23-01-2024ەوە بارانبارین دەستیپێکردووە و لە ئێوارەشدا بەفربارین دەستیپێکرد، تاوەکو ئەمڕۆ چوارشەممەش بەفربارین بەردەوامە. بەهۆی بارینی بەفرێکی زۆر رێگەکانی 257 گوند و 172 کێڵگەی کشتوکاڵی داخراون.
کەڵەکەبوونی بەفر لە ناوەندی شاری وان گەیشتووەتە 10 سانتیمەتر و لە ناوچە بەرزەکان گەیشتووەتە 50 سانتیمەتر.
تیمەکانی رێگەوبانی شارەوانیی وان دەستیان بە پاککردنەوەی رێگەوبانەکان کردووە.
لە 22ی ئەم مانگەوە رێگەی سەرەکیی نێوان شاری وان - شارۆچكەی میکس لە پارێزگاکە بەهۆی بەفرەوە داخراوە و بەهۆی مەترسیی رەنووی بەفر کارەکانی کردنەوەی رێگەکە دەستی پێ نەکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ