رووداو دیجیتاڵ
شانەی راگەیاندنی ئەمنی پێشنیوەڕۆی ئەمڕۆ (سێشەممە، 24-10-2023) رایگەیاند لە کەرکووک شەڕ لەنێوان داعش و دژەتیرۆر دروست بوو، بەبێ ئەوەی ئاماژە بە زیانەکانی شەڕەکە بکات.
شانەی راگەیاندنی ئەمنیی عێراق بڵاویکردەوە، پاڵپشت بە رێنمایی محەممەد شیاع سوودانی، فەرماندەی گشتی هێزە چەکدارەکانی عێراق و سەرپەرشتی فەریق روکن عەبدولوەهاب ساعدی، فەرماندەی هێزەکانی دژە تیرۆر ، هێزەکانی دژە تیرۆر هەڵمەتێکیان دەستپێکردووە و رووبەڕووی چەکدارانی داعش بوونەتەوە و لەو رووبەڕووبوونەوەیەدا 3 چەکدار لە پارێزگای کەرکووک کوژراون.
شانەی راگەیاندنی ئەمنی دەڵێت، دوای وەرگرتنی زانیاری وردی هەواڵگریی لەبارەی بوون و جموجووڵی چەکدارانی داعش لە ناوچەی حەمرین، هێزەکانی هەواڵگری شوێنی ئەو چەکدارانەیان دیاریکرد و لە بۆسەیەکدا شەڕو پێکدادان روویدا، چەکدارێک بە برینداری خۆی تەقاندەوە و دووی دیکەش کوژران.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ