رووداو دیجیتاڵ
لە شارۆچكەی قۆسەر سەر بە پارێزگای مێردینی باکووری کوردستان، سێ ئەندامی یەک خێزان بە کوژراوی دۆزرانەوە و لە پشکنینەکان دەرکەوتووە گوللە بەسەریانەوە نراوە.
رووداوەکە درەنگی شەوی رابردوو لە گەڕەکی تورگوت ئۆزال لە نهۆمی دووەمی باڵەخانەی حاجی شێخموس جان لە شەقامی مێردین روویدا.
دراوسێکانی بنەماڵەی کایا، کە هەواڵیان لە بنەماڵەکە بڕابوو، لەگەڵ موختاری گەڕەک دەرگەی ماڵەکەیان کردەوە و چوونە ژوورەوە.
لە پشکنینی ماڵەکەدا، بینییان محەممەد کایا ـی باوک (37 ساڵ)، بێرنا کایا ـی هاوژینی (33 ساڵ) و منداڵەکەیان سامیەلی کایا (5 ساڵ)، گوللە بە سەریانەوە نراوە.
دوای ئاگادارکردنەوە، تیمەکانی تەندروستی و پۆلیس رەوانەی شوێنی رووداوەکە کران. لە پشکنینەکاندا دەرکەوت هەر سێ کەسەکە گیانیانلەدەستداوە.
تەرمەکان بۆ توێکاری رەوانەی دادپزیشکی کراون و لێکۆڵینەوەش لە رووداوەکە دەستیپێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ