رووداو دیجیتاڵ
لە پارێزگای وان ـی باکووری کوردستان دوو برا بەشەڕ هاتن و یەکێکیان ئەوی دیکەی کوشت.
رووداوەکە شەوی پێنجشەممە، 25 ـی کانوونی یەکەمی 2025 لە گەڕەکی مەندانێ سەر بە شارۆچکەی رێگەی ئاوریشمی وان روویدا.
دوو برا بە ناوەکانی جانەر کۆڵچەلیک و تانەر کۆڵچەلیک بووەتە دەمەقاڵەیان، دواتر دەمەقاڵەکە سەری کێشاوە بۆ شەڕ، جانەر کۆڵچەلیک، بە چەقۆ هێرشی کردووەتە سەر تانەر کۆڵچەلیک ـی برای و بە سەختی برینداری کردووە.
دوای ئاگادارکردنەوەیان، تیمەکانی تەندروستیی گەیشتنە شوێنی رووداوەکە و بریندارەکەیان گەیاندە نەخۆشخانە، بەڵام بەهۆی سەختی برینەکەی لە نەخۆشخانە گیانیلەدەستدا.
هێشتا رانەگەیێندراوە کە ئایا جانەر کۆڵچەلیک، کە براکەی خۆی کوشتووە، لەلایەن هێزە ئەمنییەکانەوە دەستبەسەر کراوە یان نا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ