رووداو دیجیتاڵ
گوتەبێژی هاتووچۆی قەزای دەربەندیخان رایگەیاند، پاشنیوەڕۆی ئەمڕۆ بارهەڵگرێک لە فولکەیەکی نزیک لە تونێلی شارەکە وەگەڕا و بەهۆیەوە شۆفێرەکەی برینداربوو.
موقەدەم جاسم ئالیخان، گوتەبێژی بەڕێوەبەرایەتیی هاتووچۆی قەزای دەربەندیخان بەتۆڕی میدیایی رووداوی راگەیاند: "پاشنیوەڕۆی رۆژی سێشەممە، 27ـی ئابی 2024، بارهەڵگرێک کە میوەی بارکردووە لە دوای دەرچوونی لە تونێلی دەربەندیخان و لە نزیک فولکەی پەریی دەریا، بەهۆی قورسیی بارەکەیەوە وەرگەڕا."
گوتیشی :"تەنیا شۆفێری بارهەڵگرەکە برینداربووە و برینەکەی قورس نییە، بەڵام گەیێندراوەتە نەخۆشخانە."
فولکەی پەریی دەریا لە قەزای دەربەندیخان کەوتووەتە خوار تونێلەکە و لە دەروازەی شارەکەدایە. رێگەیەکی لێژە و بەهۆیەوە چەندینجار رووداوی هاتووچۆ لەوێ روویداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ