کۆبوونەوەی مەسرور بارزانی و باڵیۆزی پاکستان لە عێراق.
رووداو دیجیتاڵ
سەرۆکوەزیرانی هەرێمی کوردستان و باڵیۆزی پاکستان لە عێراق تاوتوێی کردنەوەی کۆنسووڵخانەی وڵاتەکە "لە داهاتوودا" لە هەولێر دەکەن.
ئەمڕۆ سێشەممە27ـی ئابی 2024، حکومەتی هەرێمی کوردستان رایگەیاند، مەسرور بارزانی سەرۆکی حکومەتی هەرێمی کوردستان، پێشوازیی لە محەممەد زیشان ئەحمەد، باڵیۆزی پاکستان لە عێراق کرد.
حکومەتی هەرێمی کوردستان لە راگەیێندراوێکدا دەڵێت، لە دیدارەکەدا بیروڕا لەبارەی دوایین پێشهات و پەرەسەندنەکانی عێراق و گرنگیی پەرەپێدانی پەیوەندییەکانی هەرێمی کوردستان و پاکستان ئاڵوگۆڕ کرا.
لە بەشێکی دیکەی کۆبوونەوەدا، "گفتوگۆ لەبارەی دۆخی رەوەندی پاکستانی لە هەرێم و دەرفەتەکانی کردنەوەی کۆنسووڵخانەی پاکستان لە هەرێمی کوردستان لە داهاتوودا کرا."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ