رووداو دیجیتاڵ
کۆنسووڵخانەی بەریتانیا لە هەولێر "بە تووندی" ئیدانەی ئەو هێرشە دەکەن کە شەوی رابردوو کرایە سەر کێڵگەی گازی کۆرمۆر.
کۆنسووڵخانەکە لە ئێکس راگەیێندراوێکی بە زمانی کوردی بڵاوکردووەتەوە و دەڵێت، "هێرشکردنەسەر هەر ژێرخانێکی بنەڕەتی هەڕەشە لە سەقامگیری عێراق و سەلامەتی گەلەکەی دەکات".
کۆنسووڵخانەی بەریتانیا هەڵوێستی وڵاتەکەیشی ئاشکرا دەکات و دەڵێت، "شانشینی یەکگرتوو لەگەڵ هاوبەشە عێراقییەکان وەستاوە و پشتگیری هەوڵەکانی پاراستنی دامەزراوە بنچینەییەکان دەکات".
شەوی چوارشەممە هێرشکرایە سەر کێڵگەی کۆرمۆر لە سنووری قادرکەرەم لە قەزای چەمچەماڵ، بەهۆیەوە ئاگر لە کۆگایەک کەوتەوە. بەڵام بەپێی شانەی راگەیاندنی ئەمنی و شایەتحاڵانی نێو کێڵگەکە کە بۆ رووداو قسەیان کرد، زیانی گیانی نەبووە.
کێڵگەکە سەرچاوەیەکی سەرەکی بەرهەمهێنانی کارەبای هەرێمی کوردستان و بەشێکی عێراقە.
هێرشەکە بووەهۆی کوژانەوەی کارەبای بەشێکی زۆری شارەکانی هەرێمی کوردستان.
سەرکردەکانی هەرێمی کوردستان و سەرۆکوەزیرانی عێراق بە تووندی سەرکۆنەی هێرشەکەیان کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ