رووداو دیجیتاڵ
لە پارێزگای ئەرزەڕۆمی باکووری کوردستان، پارچە سەهۆڵێک بەسەر گەنجێکدا دەکەوێتە خوارەوە و بەو هۆیەوە گیان لەدەستدەدات.
رووداوەکە کاژێر 03:00ـی رۆژی پێنجشەممە، 26ـی کانوونی یەکەم لە شارۆچکە مدرگە روویداوە. چرکەساتی رووداوەکە لەلایەن کامێرای چاودێرییەوە تۆمارکراوە.
خوێندکارێکی زانکۆ بەناوی عارف تەڵعەت ئاڵگن کە تەمەنی 22 ساڵە، کاتێك لەسەر شۆستە دەڕوات، پارچە سەهۆڵێکی گەورە کە لە سەربانی باڵەخانەیەکی شوقەیەک دەشکێت، دەکەوێت بەسەریدا و بریندار دەبێت.
عارف تەڵعەت ئاڵگن دەگوێزرێتەوە نەخۆشخانەی توێژینەوەی زانکۆی ئەتاتورک. سەرەڕای هەوڵی پزیشکەکان، بەڵام لە نەخۆشخانە گیان لەدەست دەدات.
بڕیارە ئەمڕۆ هەینی 27ـی کانوونی یەکەم لە حەرەمی فاکەڵتی زانکۆی ئەتاتورک لە ئەرزەڕۆم رێوڕەسمێک بۆ عارف تەڵعەت ئاڵگن رێکبخرێت. دواتر تەرمەکەی رەوانەی زێدی خۆی، شاری بورسای تورکیا دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ