هەڵەیەک روویدا! دووبارە هەوڵبدە
رووداو دیجیتاڵ
سەرۆکی حکومەتی هەرێمی کوردستان لەگەڵ ژمارەیەک لە وەبەرهێنەرانی هەرێمی کوردستان کۆبووەوە و رایگەیاند، هەر لە دوای هەڵبژاردنەکانەوە خوازیار بوون کابینەی نوێی حکومەتی هەرێمی کوردستان پێکبهێنرێ و هیواداریشە چیدیکە ئەو بابەتە دوا نەکەوێ.
رۆژی سێشەممە، 28ـی نیسانی 2026، مەسرور بارزانی لە نووسینێکدا لە هەژماری خۆی لە تۆڕی کۆمەڵایەتیی فەیسبووک گوتی: "هیوامان خواست کابینەی نوێی فیدراڵ ببێتە مایەی سەردەمێکی نوێ لە ئاشتی و سەقامگیری و چارەسەرکردنی کێشەکانی نێوان هەولێر و بەغدا لەسەر بنەمای دەستوور و رێزگرتن لە مافە دەستوورییەکان و قەوارەی فیدراڵیی هەرێمی کوردستان".
لەبارەی پێکهێنانی کابینەی نوێی هەرێمی کوردستان، مەسرور بارزانی گوتی: "ئێمە هەر لەدوای ئەنجامدانی هەڵبژاردنی پەرلەمانی کوردستانەوە، خوازیاربووین لە زووترین کاتدا کابینەی نوێی حکومەت پێکبهێنرێ و هیوادارین چی دیکە ئەم بابەتە دوا نەکەوێت".
لە بەشێکی دیکەی کۆبوونەوەکەدا، سەرۆکی حکومەت سوپاسی وەبەرهێنەران و کەرتی تایبەتی کرد کە رۆڵێکی گرنگیان لە پشتیوانیکردنی حکومەت و پەرەپێدانی ئابووری و بزاڤی بازرگانی لە کوردستاندا هەبووە.
لە هەڵبژاردنی پەرلەمانی کوردستاندا کە لە تشرینی یەکەمی 2024دا بەڕێوەچوو، پارتی دیموکراتی کوردستان 39 کورسی بردەوە و یەکێتیی نیشتمانیی کوردستانیش 23 کورسی، بەڵام تاوەکو ئێستا نەتوانراوە کابینەی نوێی حکومەتی هەرێمی کوردستان پێکبهێندرێ.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ