هەڵەیەک روویدا! دووبارە هەوڵبدە
رووداو دیجیتاڵ
فارووق رەفیق، نووسەر و رۆشنبیری دیاری کورد، لە شاری هەولێر بەهۆی نەخۆشییەوە کۆچی دواییکرد.
رۆژی سێشەممە 28ی نیسانی 2026، عەبدولڕەحمان فەرهادی، سەرۆکی لقی هەولێری یەکێتیی نووسەرانی کورد بە تۆڕی میدیایی رووداوی راگەیاند، "نووسەری ناودار فارووق رەفیق، بەهۆی نەخۆشیی دڵەوە لە ماڵەکەی خۆیدا کۆچی دواییکردووە."
هاوکات لقی هەولێری یەکێتیی نووسەرانی کورد لە راگەیێندراوێکدا سەرەخۆشی لە بنەماڵە و کەسوکاری ئەو نووسەرە کردووە و رایگەیاندووە، "داوا لە یەزدانی پاک دەکەین ئەمە دوا خەم و ناخۆشیی بنەماڵەکەیان بێت و خوالێخۆشبوو بە بەهەشتی بەرین شاد بکات."
فارووق رەفیق یەکێک بوو لە نووسەر و لێکۆڵینڤانە دیارەکانی کوردستان، کە خاوەنی چەندین بەرهەمی ئەدەبی و فیکرییە و لەنێو ناوەندی رۆشنبیریی کوردیدا پێگەیەکی دیاری هەبوو.
فارووق رەفیق حەمە کەریم، نووسەر و توێژەری بواری فەلسەفە بوو و لە پارێزگای سلێمانییە لەدایکبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ