رووداو دیجیتاڵ
کۆلێژی سەربازیی 3ی قەڵاچوالان لە راگەیێندراوێکدا لیستی دووەمی پڕۆسەی چاوپێکەوتنی پێشکێشکارانی بڵاوکردەوە، کە ناوی 250 کەسی تێدایە و داوایان لێدەکات بە مەبەستی پشکنینی پزیشکی و تاقیکردنەوەی توانای لەش، رۆژی یەکشەممە سەردانی کۆلێژ بکەن.
رۆژی هەینی 28-07-2023، کۆلێژی سەربازیی 3ی قەڵاچوالان راگەیێندراوێکی لەبارەی چاوپێکەوتنی پێشکێشکاران بۆ ئەفسەری بڵاوکردەوە و تێیدا هاتووە، "کۆلێژی سەربازیی 3ی قەڵاچوالان لیستی دووەمی پرۆسەی چاوپێکەوتنی پێشکێشکاران بڵاودەکاتەوە و داوا لەو پێشکێشکارانە دەکات، کە ناویان لە لیستەکەدا هاتووە، ئامادەبن لە کۆلێژ لە کاژێر 07:30 خولەکی بەیانیی رۆژی یەکشەممە 30-07-2023، بە مەبەستی پشکنینی پزیشکی و تاقیکردنەوەی توانای لەش."
ئەو پێداویستییانەی کە پێویستە پێشکێشکار لەگەڵ خۆیدا بیانبات، ئەمانەن:
1- پێناسەی باری شارستانی یان (کارتی نیشتمانی) ئەسڵی.
2- وێنەیەکی رەنگاوڕەنگ.
3- جل و پێڵاوی وەرزشی.
کۆلێژی سەربازیی قەڵاچوالان ئاماژەی بەوە کردووە، رۆژانە لیستی چاوپێکەوتن بڵاودەکاتەوە و چاوپێکەوتن بەپێی لیستی بڵاوکراوە دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ