هەڵەیەک روویدا! دووبارە هەوڵبدە
رووداو دیجیتاڵ
خاوەنکار و نوێنەرانی کۆمپانیا گەشتیارییەکانی پارێزگای وانی باکووری کوردستان لە دژی کەمبوونەوەی گەشتە ئاسمانییەکانی فڕۆکەخانەی شارەکەیان، گردبوونەوە.
گردبوونەوەکە ئێوارەی رۆژی شەممە 27-7-2024 لە بەردەم ژووری بازرگانی و پیشەسازیی وان کرا. بەشداربووان کە زیاتر لە نوێنەرانی کۆمپانیای گەشتیاری پێکهاتبوون، بە دروشمی 'گەشتی ئاسمانی لە وان نەماوە' ناڕەزاییەکانیان گەیاند.
دوای گردبوونەوەش، رێپێوانێکیان کرد و داوایان لە لایەنی بەرپرسیار کرد، چی زووە هەوڵێک بدەن و بابەتی کەمبوونەوەی گەشتە ئاسمانییەکانی فڕۆکەخانەی شاری وان چارەسەر بکەن.
نەجدەت تەکڤا، سەرۆکی ژووری بازرگانی و پیشەسازیی وان گوتی: "شارەکەمان ساڵانە ژمارەی دانیشتووانی زیاد دەکات و ناوەندێکی گرنگی گەشتیارییە. ژمارەی گەشتیارانی گەشتی ئاسمانی رۆژ بە رۆژ زیاد دەکات، جگە لە هاووڵاتیانی خۆمان، لە ئێران و عێراقەوە گەشتیاران دێنە شارەکەمان. بەداخەوە فڕۆکەخانەی شارەکەمان ئەو گرنگییەی پێنادرێت."
ئەمە لەکاتێکدایە ماوەیەکە ژمارەی گەشتە ئاسمانییەکانی وان لە کەمی داوە. تەنانەت هاونیشتمانییان ناتوانن بە ئاسانی گەشتی شارەکانی دیکەی باکووری کوردستان و تورکیا بکەن. ئەمە وایکردووە جموجووڵی گەشتیاریش کەم ببێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ