وێنەی چوار تۆمەتبارەکە
رووداو دیجیتاڵ
ئاسایشی پارێزگای سلێمانی دەستگیرکردنی چوار تۆمەتباری راگەیاند، کە بەناوی سواڵکردنەوە چەند ماڵێکیان بڕیوە.
ئاسایشی سلێمانی لە راگەیێندراوێکدا دەستگیرکردنی باندێکی چوار کەسی لە رۆژی 19-09-2020 راگەیاند. ئاسایشی سلێمانی دەڵێت، "تۆمەتبارەکان پیاوێک و سێ ژنن بە ناوی سواڵکردنەوە لە دەرگەی ماڵانیان داوەو کە زانیویانە ماڵەکە لەماڵ نین چوونەتە ژوورەوە و کەلوپەلی گرانبەهای ماڵەکەیان دزیوە."
لەکاتی دەستگیرکردنیاندا یەک کڵاشینکۆڤ، یەک دەمانچە، 22 هەزار و 700 دۆلاری ئەمریکی، 720 هەزار دیناری عێراقی، دوو هەزار و 360 یۆرۆ، 10 ملیۆن تمەنی ئێرانی و بڕێک زێڕیان پێگیراوە.
ئاسایشی سلێمانی دەڵێت، تۆمەتبارەکان دانیان بە تاوانەکەیاندا ناوە و رووبەڕووی یاسا کراونەتەوە و لێکۆڵینەوە لەگەڵیان بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ