هەڵەیەک روویدا! دووبارە هەوڵبدە
سرووشتی شارۆچکەی قامووشان، لە باکووری کوردستان
رووداو دیجیتاڵ
گرووپێک شاخەوان دەیانەوێت لە رێگەی چالاکییەکانیانەوە دیمەنی سرووشتی قامووشان لە پارێزگای قەرسی باکووری کوردستان بە جیهان پێشان بدەن. گرووپەکە ناویان "خۆشەویستانی سرووشت"ـە و بە چالاکییەکانیان خۆشەویستیی خۆیان بۆ سرووشت دەردەبڕن.
رێبەرانی گرووپەکە ئەو گەشتە بە ناساندنی شارۆچکەی قامووشان و شاخە بڵندەکانی ئەو ناوچەیە دەناسێنن. عارف گیونەش، سەرۆکی گرووپی خۆشەویستانی سرووشتە و دەڵێت، "ئامانجمان ئەوەیە لە کەرتی گەشتیاریدا بازاڕگەری بۆ ساریقامش بکەین. بەڕاستی ساریقامیش سرووشتێکی ناوازەی هەیە. بانگهێشتی شاخەوانان، گرووپە سرووشت دۆستەکان و وەرزش دۆستان دەکەین بۆ ئەوەی بێنە ئێرە."
دۆڵی کەکلیک، بەرزترین شوێنی شارۆچکەی قامووشانە، کە بەرزییەکەی دوو هەزار و 150 مەترە، گرووپەکە لە بەرزیی 70 مەترەوە بەرەو خوارەوە دابەزین و دواتریش جارێکی دیکە بەو بەرزییەدا سەرکەوتنەوە.
ئیلیاس چاغڵار، مامۆستای زانکۆی کافکاسە، لەبارەی گەشتەکەوە گوتی، "ئێرە بەتایبەتی بۆ سەرکەوتن بۆ سەر شاخ و دابەزین زۆر لەبار و جوانە. تایبەتمەندیی زۆری هەیە. لەگەڵ هاوڕێیانی گرووپەکەمان ئامادەکاریمان کرد و بەگوێرەی پلان گەیشتینە ئێرە. دوای دابەزین 'کامپ'مان دانا. دواتریش سەرکەوتن و دابەزینمان تەواوکرد و کۆتاییمان بە چالاکییەکەمان هێنا."
گرووپی خۆشەویستانی سروشت بەپێی پلانێک ئامادەکاریی دەکەن لە گەشتە بەردەوامەکانیاندا شارۆچکەی قامووشان بە جیهان بناسێنن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ