سێ براکە لە بەرپرسیار قسەیان کرد
رووداو دیجیتاڵ
حوسێن، حەسەن و عەبدوڵڵا، سێ برای دانیشتووی دهۆک و شێخان، گورچیلەیان لەکارکەتووە و بەدەست چەندین نەخۆشیی دیکەشەوە دەناڵێنن. پزیشکی سێ براکە دەڵێت، گورچیلەکانیان گەیشتووەتە قۆناخی کۆتایی و پێویستییەکی زۆریان بە نەشتەرگەریی چاندنی گورچیلە هەیە.
عەبدوڵڵا عوسمان، یەکێک لە سێ برا نەخۆشەکە لە بەرپرسیار گوتی: "هەفتانە سێ جار کرداری شۆردنی گورچیلە ئەنجام دەدەین. برایەکم نابینا بووە و من و براکەی دیکەم بیناییمان لاوازە." جگە لە کێشەی گورچیلە و چاو، ئەو سێ برایە نەخۆشییەکانی دڵ، شەکرە و گوشاری خوێنیان هەیە.
عەبدوڵڵا گوتیشی، مانگانە 150,000 دینار تەنیا بۆ هاتووچۆی شۆردنی گورچیلە خەرج دەکات و بۆ چارەسەریی نەخۆشییەکانیان داوای هاوکاریی کرد.
هەر سێ برا نەخۆشەکە هاوژینییان پێکهێناوە و هەریەکەیان لە خانووی جیا و کرێدا دەژین.
دکتۆر لانە ئەترووشی، پسپۆڕی ورد لە نەخۆشییەکانی گورچیلە و چاندنی گورچیلە، پشتڕاستی کردەوە هەر سێ برا پێویستییان بە شۆردنی 3 جار لە هەفتەیەکدا هەیە و نزیکەی 2 ساڵە ئەو کردارە دەکەن.
دکتۆر لانە گوتی، شەکرەیان هەیە و کێشەی زۆری بۆ دروستکردوون، هەروەها گورچیلەیان گەیشتووەتە قۆناخی 5ەم و پێویستییان بە چاندنی گورچیلە هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ