هەڵەیەک روویدا! دووبارە هەوڵبدە
رووداو- هەولێر
پزیشکانی زانکۆی ئیلام لە ئێران رایدەگەیێنن دارچینی یارمەتیدەرە لە کەمکردنەوەی ئازاری سوڕی مانگانە و رێگە لە لەدەستدانی بڕێکی زۆری خوێنیش دەگرێت.
لە توێژینەوەکەدا پزیشکانی ئێرانی پەیوەندییان دۆزیوەتەوە لەنێوان خواردنی دارچینی و کەمبوونەوەی توندی ئازاری سوڕی مانگانە.
د. فاتمە نەجەفی، پسپۆڕی خانمان و منداڵبوون و یەکێک لە پزیشکانی بەشدار لە توێژینەوەکە دەڵێت: دارچینی بە دژەهەوکردنەکان دەوڵەمەندە و یارمەتی خاوبوونەوەی ماسولکەکانی حەوز دەدات، هەر ئەمەش وادەکات سوودی هەبێت لە کەمکردنەوەی ئازاری سوڕی مانگانەدا.
پسپۆڕەکەی خانمان ومنداڵبوون رێنماییدەداتە خانمان، لەکاتی سوڕی مانگانەدا دارچینی بۆ خواردن و خواردنەوەکانی وەک چا و شیر زیادبکەن، بۆ ئەوەی توندی ئازارەکە و خوێنبەربوونەکەیان کەمببێتەوە.
لە توێژینەوەکانی پێشوتریش سوودەکانی دارچینی خراونەتەڕوو لەوانەش دژی نەخۆشی شەکرەیە، ئاستی زیرەکی باشتردەکات و ئاستی چەورییە زیانبەخشەکانی خوێن کەمدەکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ