چۆن شەربەتی گێلاس مێشک بە تەندروستی دەهێڵێتەوە؟

رووداو- هەولێر

پزیشکانی پسپۆڕی خۆراک لە زانکۆی دلاویەر لە ئەمریکا رایدەگەیێنن شەربەتی گێلاس مێشک دەپارێزێت و مەترسیی نەخۆشییەکانی لەبیرچوونەوە کەمدەکاتەوە.

لە توێژینەوەیەکی نوێیاندا پزیشکانی ئەمریکی لە خواردنەوەی شەربەتی سروشتی گێلاسیان لەسەر تەندروستی مێشک کۆڵیوەتەوە و ئەنجامی توێژینەوەکەشیان لە جۆرناڵی (Food and Function) بڵاوکردووەتەوە.

شیو چینگ، پرۆفیسۆری یاریدەدەری زانستی خۆراک و سەرپەرشتیاری سەرەکی توێژینەوەکە دەڵێت: گێلاس بەهۆی دەوڵەمەندی بە ماددەی پۆڵیفیۆلەکان کە دژە ئۆکسێنی بەهێزن ئەگەری چەندین نەخۆشی کەمدەکاتەوە.

پرۆفیسۆرە یاریدەدەرەکەی زانستی خۆراک روونیدەکاتەوە، لە توێژینەوەکەدا بۆیان دەرکەوتووە ئەوانەی رۆژانە پەرداخێک شەربەتی سروشتی گێلاس دەخۆنەوە، بەڵام بەمەرجێک هیچ بڕێکی شەکری تێنەکرێت، مەترسیی نەخۆشییەکانی لەبیرچوونەوە بەرێژەییەکی بەرچاو کەمدەبێتەوە.

پزیشکانی پسپۆڕی خۆراک لە ئەمریکا دەڵێن، ئەم کاریگەرییە بەتایبەت بۆ کەسانی بەتەمەن بەسوودە چونکە لەگەڵ هەڵکشانی تەمەن توانای فێربوون و یادەوەری کەمدەبێتەوە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger