هەڵەیەک روویدا! دووبارە هەوڵبدە
رووداو دیجیتاڵ
موقتەدا سەدر، سەرۆکى رەوتى نیشتمانیی شیعە، ئەرکی گرووپی چەکدارى سەرایا سەلامی سەر بە رەوتەکەى تاوەکو کاتێکى نادیار سنووردارکرد بۆ ئەرکی مرۆیی. ئەو بڕیارەشی بەستووەتەوە بە بەدوورگرتنی عێراق لە شەڕ و بەڵا.
ئەو پەیامە 8ی ئاداری 2026 لەلایەن ساڵح محەممەد عێراقی بڵاوکرایەوە کە بە "وەزیری موقتەدا سەدر" ناسراوە.
لە پەیامەکەدا کە لەسەر زاری موقتەدا سەدرەوەیە، فەرمان بە گرووپی "سەرایا سەلام" دەدات تاوەکو کاتێکی نادیار تەنیا ئەرکی مرۆیی جێبەجێ بکەن، "بەتایبەت لەگەڵ زیادبوونی هێرشەکان لە دەرەوە و ناوەوە".
موقتەدا سەدر ئەو بڕیارەی گەڕاندووەتەوە بۆ "بەدوورگرتنی عێراق لە شەڕ و بەڵا".
گرووپی سەرایا سەلام سەر بە رەوتی نیشتمانیی شیعەیە و بەشێکن لە پێکهاتەی دەستەی حەشدی شەعبی.
ئەو فەرمانە پەیوەندیدارە بە ئاڵۆزیی ناوچەکە و کاریگەریی لەسەر عێراق بەهۆی جەنگی ئێران لەگەڵ ئەمریکا و ئیسرائیل کە لە 28ی شوباتەوە دەستی پێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ