هەڵەیەک روویدا! دووبارە هەوڵبدە
رووداو دیجیتاڵ
باڵیۆزخانەی ئەمریکا دەڵێت، کۆماری ئیسلامیی ئێران و گرووپە چەکدارە هاوپەیمانەکانی "هێشتا مەترسیی گەورەن" لەسەر سەلامەتیی گشتی. ئاماژە بەوەش دەکات، هێرش کراوەتە سەر هۆتێل و دامەزراوەکانی دیکە لە هەرێمی کوردستان.
رۆژی یەکشەممە، 8ی ئاداری 2026، باڵیۆزخانەی ئەمریکا لە بەغدا هۆشدارییەکی بۆ هاووڵاتیانی وڵاتەکەی لە عێراق بڵاوکردەوە.
لە هۆشدارییەکەدا هاتووە: "ئێستا ئێران و میلیشیا و گرووپە تیرۆریستییە هاوپەیمانەکانی هەڕەشەیەکی گەورەن بۆ سەر سەلامەتیی گشتی، داوای ئەنجامدانی هێرش بۆسەر هاووڵاتیان و بەرژەوەندییەکانی ئەمریکا لە عێراق کراوە. ئەو هۆتێلانەی بیانییەکانی لێیە لەگەڵ دامەزراوەکانی دیکە لە هەرێمی کوردستان هێرشیان کراوەتە سەر؛ هەروەها چەندین ژێرخانى و پێگەی گرنگ لە سەرانسەری عێراق هێرشیان کراوەتە سەر."
ئەمە هەشتەم هۆشدارییە کە باڵیۆزخانەکە لەدوای دەستپێکردنی جەنگی ئەمریکا و ئیسرائیل لەگەڵ ئێران لە 28ی شوباتەوە لەبارەی سەلامەتیی هاووڵاتیانی بڵاوی دەکاتەوە.
باڵیۆزخانەکە هۆشداری ئەوەی داوە کە گردبوونەوە لەو شوێنانەی هاووڵاتییانی ئەمریکی لێیە، ئەگەری هەیە رووبەڕووی مەترسی ببنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ