رووداو دیجیتاڵ
شانەی راگەیاندنی ئەمنیی عێراق لەبارەی دەنگەکەی بەیانی ئەمڕۆی شاری بەغدا روونکردنەوە دەدات و دەڵێ، تەقینەوە نەبووە.
بەیانی ئەمڕۆ شەممە 16ی ئایاری 2026، دەنگێک لە ناوچەی کەڕادەی شاری بەغدای پایتەختی عێراق بیسترا. سەعد مەعن، سەرۆکی شانەی راگەیاندنی ئەمنیی عێراق بە تۆڕی میدیایی رووداوی راگەیاند: "هیچ تەقینەوەیەک لە ناوچەی کەڕادەی شاری بەغدا رووینەداوە".
سەبارەت بەو دەنگەی بیسترا، سەرۆکی شانەی راگەیاندنی ئەمنیی عێراق گوتی: "رێورەسمی دەستبەرکابوونی عەلی فالح زەیدی وەک فەرماندەی گشتیی هێزە چەکدارەکانی عێراق بوو، تێیدا بەم بۆنەیەوە تۆپ تەقێنرا".
کابینە وەزارییەکەی عەلی فالح زەیدی لە 23 وەزارەت پێکهاتووە و ئێوارەی رۆژی پێنجشەممە 14ی ئایاری2026 14یان پەسندکران.
وەزیرە پەسندکراوەکان:
- خالید شوانی، وەزیری داد - یەکێتیی نیشتمانیی کوردستان
- فوئاد حوسێن، وەزیری دەرەوە - پارتی دیموکراتی کوردستان
- عەبدولڕەحیم شەممەرى، وەزیری کشتوکاڵ - ئاوەدانکردنەوە و گەشەپێدان
- مستەفا جەبار سەنەد، وەزیری گەیاندن - ئەبشیر یا عێراق
- عەبدولکەریم عەبتان جبووری، وەزیری پەروەردە - تەقەدووم
- سروە عەبدولواحید، وەزیری ژینگە - نەوەی نوێ
- مستەفا عانی، وەزیری بارزگانی - هاوپەیمانی سیادە
- وەهب حەسەنی، وەزیری گواستنەوە - رێکخراوی بەدر
- محەممەد کەربوولی، وەزیری پیشەسازی - تەقەدووم
- فالح ساری عەبداشی، وەزیری دارایی - رەوتی حیکمە
- عەلی سەعد وەهیب، وەزیری کارەبا - ئاوەدانکردنەوە و گەشەپێدان
- عەبدولحوسێن مووسەوی، وەزیری تەندروستی - نەهجی نیشتمانی
- موسەننا تەمیمی، وەزیری سەرچاوەکانی ئاو - رێکخراوی بەدر
- باسم محەممەد خزەیر، وەزیری نەوت - ئاوەدانکردنەوە و گەشەپێدان
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ