هەڵەیەک روویدا! دووبارە هەوڵبدە
رووداو دیجیتاڵ
بەرگریی شارستانیی عێراق رایگەیاند، لە چارەکی یەکەمی ئەم ساڵدا ئاگرکەوتنەوە 85% کەمیکردووە. هەروەها دەڵێت، زیاتر لە 11 هەزار شوێن و باڵەخانەیان داخستووە کە مەرجەکانی سەلامەتییان تێدا نەبووە.
هەینی 22ی ئایاری 2026 نەواس سەباح شاکر، هاوئاهەنگیکاری راگەیاندنی بەڕێوەبەرایەتیی بەرگریی شارستانیی عێراق بە تۆڕی میدیایی رووداوی راگەیاند: لە سێ مانگی یەکەمی ئەم ساڵدا بەراورد بە پار، رێژەی ئاگرکەوتنەوە 85% کەمیکردووە.
نەواس سەباح شاکر هۆکاری کەمبوونەوەکەی بۆ تووندکردنی رێکار و مەرجەکانی سەلامەتی بەسەر شوێنکارەکاندا گەڕاندەوە.
نەواس سەباح شاکر رایگەیاند کە لە سێ مانگی یەکەمی ئەمساڵدا 11 هەزار و 70 باڵەخانە و شوێنی جیاواز لەلایەن بەرگریی شارستانیی عێراقەوە داخران، بەهۆی ئەوەی مەرجی سەلامەتییان تێدا نەبووە و لە دوای گرتنەبەری رێوشوێنەکان 90%ی ئەو شوێنانە کراونەتەوە.
بەگوێرەی رێکارە یاساییەکان، ئەو باڵەخانانەی مەرجی سەلامەتییان تێدا نییە، سزای پێبژاردنیان بەسەردا دەسەپێنرێت و رێگەشیان پێنادرێت بکرێنەوە تاوەکو مەرجەکان جێبەجێ دەکەن.
لە ساڵی 2025دا نزیکەی پێنج هەزار رووداوی ئاگرکەوتنەوە لە عێراق تۆمارکراون، لەکاتێکدا لە ساڵی 2023دا ژمارەکە گەیشتبووە زیاتر لە 32 هەزار رووداو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ