بڕینی مووچەی چاودێری کۆمەڵایەتی

بێریڤان رەشید هەتا هاوژینەکەی لەژیاندابوو، ژیانێکی سادە دەژیان ، بەڵام لەدوای ساڵی 2013 هاوژینەکەی کۆچی دوای دەکات و بار و گوزەرانی رۆژ داوی رۆژ تێکدەچێت، دوای ماوەیەک بەرێوەبەرایەتی چاودێری کۆمەڵایەتی دهۆک هاوکاری بێریڤانیان دەکرد بە 150هەزار دینار، بەڵام لە کۆتاییەکانی 2015 ئەو پارەیە بڕاوە و لەو رۆژەوە بێریڤان و منداڵەکانی هیچ پارەیەکیان لەدەست نیە.

18 هەزار کەس لە پارێزگای دهۆک وەک بێریڤان لەو هاوکارییە بێبەشکراون و مووچەیان پێنادرێت، بەپێی ئامارەکانی چاودێری کۆمەڵایەتی وەزارەتی کارو کارووباری کۆمەڵایەتی لە باشووری کوردستان زیاتر لە 90 هەزار مووچەی چاودێری خێزان وەردەگرت وەکو هاوکاری.