سەیرانگەی عەلی دینۆ و چەند فیچەرێکی دیکە لە چاوی رووداودا

 

سەیرانگەی عەلی دینۆ، بەهەشتی باکووری کوردستان

سەیرانگەی عەلی دینۆ یەکێکە لە سەرنجڕاکێشترین شوێنە گەشتیارییەکانی پارێزگای شرناخ لە باکووری کوردستان. ئەم شوێنە لە نزیک شاری جزیرەیە و بە شاخی سەوز و ئاوی روون دەناسرێتەوە.

عەلی دینۆ کەسایەتییەکی مێژووییە کە لە سەدەی شازدەدا لە سەردەمی میرنشینی بۆتان ژیاوە. کۆشکی عەلی دینۆ هێشتا لە شرناخ ماوە و خەڵکی شرناخ وەکو سیمبوولی بەرخۆدان دەیبینن. زۆر دەنگبێژ و هونەرمەند سترانیان بەسەر عەلی دینۆدا گوتووە.

لە رۆژانی شەممە و یەکشەممەدا، گەشتیار لە تورکیا و هەرێمی کوردستانەوە سەردانی ئەم سەیرانگەیە دەکەن. ئاوی کانییەکە تیژ و پاک و روونە، بەڵام زۆر ساردە. سەیرانکەران چالاکی جیاوازی وەکو یاری، گۆشت برژاندن، گۆرانی گوتن و هەڵپەڕکێ ئەنجام دەدەن.

هەرچەندە ئاوەکە پاک و روونە، بەڵام بەهۆی زۆر ساردییەکەی، کەمتر دەتوانن مەلەی تێدا بکەن. لەگەڵ ئەوەشدا هێشتا گەنجان مەلەی تێدا دەکەن.

گەشتیاران بەردەوام یادی عەلی دینۆ دەکەنەوە و گۆرانی بۆ دەڵێن. ئەو وەکو رۆبنهوودی کوردان دەبینن. خەڵک چیرۆکەکانی بۆ منداڵان دەگێڕنەوە و بەم شێوەیە کلتووری نەتەوەیی بۆ نەوەی داهاتوو دەپارێزن.


یەکەم پزیشکی ڤێرتێنەری ئافرەت لە موسڵ

زەینەب مەحموود عوبەیدی وەک یەکەم پزیشکی ڤێرتێنەری ئافرەت لە شاری موسڵ، چیرۆکێکی سەرکەوتنی نوێی نووسیوەتەوە. لە ساڵی 2023دا دوای دەرچوونی لە زانکۆی موسڵ، کلینیکێکی کردووەتەوە کە تایبەتە بە چارەسەری ئاژەڵە ماڵییەکان، بەتایبەت پشیلە.

سەرەتا زەینەب ڕووبەڕووی زۆر رەخنەی کۆمەڵایەتی بووەوە، چونکە بیرۆکەی کارکردنی ئافرەت لە بواری پزیشکی ڤێرتێنەریدا لەلای خەڵکی موسڵ قبوڵ نەبوو، بەڵام ئەو توانی بە ئارامی و کارکردنی بەردەوام ئەم بیرۆکەیە بۆ خەڵکی ڕوون بکاتەوە.

کلینیکەکەی زەینەب کە ڕووبەرەکەی تەنها 30 مەترە، بووەتە پەناگەیەکی گەورە بۆ ئاژەڵە ماڵییەکان. لەم کلینیکەدا خزمەتگوزارییەکانی وەک پشکنین، چارەسەرکردن، نەشتەرگەری و تەنانەت خزمەتگوزاری هۆتێل بۆ ئاژەڵەکان پێشکەش دەکرێت.

کارەکەی زەینەب تەنها چارەسەرکردنی ئاژەڵ نییە، بەڵکو گۆڕینی تێڕوانینێکە لە شارێکدا کە پێشتر بەخێوکردنی ئاژەڵی ماڵی دیاردەیەکی باو نەبوو. ئێستا ئەم کولتوورە ساڵ بە ساڵ لە گەشەسەندن دایە.

زەینەب چاوی لە هەنگاوی گەورەترە کە نەک تەنیا لەسەر ئاستی موسڵ، بەڵکو لەسەر ئاستی هەموو عێراق دەنگدانەوەی هەبێت. کلینیکەکەی سیمبۆلی ژیانەوە و ئیرادەی شارێکە کە بڕیاریداوە لەدوای خۆڵەمێشەوە، بە جوانی و میهرەبانی هەستێتەوە سەرپێی خۆی.


هەردی خەلیل - وێنەکێشی سلێمانی

هەردی خەلیل وێنەکێشێکی دیارە لە شاری سلێمانی کە بە تایبەتمەندی و بەهرەکانی لە بواری هونەری وێنەکێشان ناسراوە.

هەردی خەلیل لە ساڵی 2008 پەیمانگای هونەرە جوانەکانی سلێمانی تەواو کردووە. دوای تەواو کردنی خوێندنەکەی، ماوەیەک دابڕاوە لە کارەکەی، بەڵام دواتر کردوویەتی بە پیشەی سەرەکی.

وێنەکێشەکە دەڵێت کە زۆرجار تابلۆکانی بە دڵی خۆی نییە، بەڵکو بە پێی داوای کڕیارەکانی دەیان کێشێت. ئەو هەموو جۆرە ستایلێکی وێنەکێشان وەک هێڵکاری، تەختیت، بەکارهێنانی بۆیەی ئەکریلیک یان زەیت دروست دەکات.

یەکێ لە تایبەتمەندیە گرنگەکانی کاری هەردی خەلیل ئەوەیە کە گەلەرییەکی لە گوندەکەی دروستکردووە. ئەم گەلەرییە وای لێ دەکات تابلۆ هونەریەکانی خۆی بە ئارامی و بە جوانی دابڕێژێت، دوور لە جەنجاڵی شار.

هەردی خەلیل باوەڕی وایە کە هونەری وێنەکێشان کارێکی مێشکییە، چونکە پێش ئەوەی تابلۆیەک بکێشێت، تابلۆکە لەبەر چاوی دەبێت.

زۆرترین وێنەی کە دەیکێشێت پۆرترێتی خەڵکە، بە تایبەتی وێنەی کەسی خەڵک. زۆر کەس هەیە حەزی لە پۆرترێتی خۆشەویستان، منداڵەکان، یان کەسانی تایبەت هەیە کە بە دیاری بۆیان دەکرێت.

هەردی خەلیل دەڵێت کە ماوەی 20 ساڵە بەردەوام رۆژانە وێنەی کێشاوە. لەگەڵ ئەوەشدا، باوەڕی وایە کە هونەر ئەوەندە گەورە و قوڵە هەرچەند بەردەوام بیت ناگەیتە کۆتایی.

هەردی خەلیل چەند ساڵیکە بە هیچ جۆرێک پێشانگا ناکاتەوە. ئەو دەڵێت کە حەزی لە پێشانگا نیە چونکە کاتێک پێشانگا دەکرێتەوە تەنیا دەست خۆشی و سوپاست لێ دەکرێت، بەڵام هونەر بە دەست خۆشی و سوپاس پێش ناکەوێت.