تاوانەکانی داعش
تاوانەکانی داعش
بهلگهفلمێ تاوانێن داعشێ ل ٧ وهلاتان هات نیشان دان و ل بهره د دهمهکێ نێزیک دا ل وهلاتێ ژماره ٨ دا کۆ کوردستانه، تهلهڤزیۆنا ڕووداو دهمێ داعشێ هێرشی چهند جهێن کوردان ل باشوورێ کوردستانێ و دهورۆبهرێن وێ کری، ل وێ شهڤا کهنالێن تهلهڤزیۆنێن کوردی پهخشێ ئێكسەر بهلاڤ د کر و داخواز ژ خهلکێ کوردستانێ د کر مالێن خۆ نه بهردهن، وێ شهڤێ ئهز ل مالا خۆ ل ستۆکهۆلمێ ههتاکۆ سپێدێ هشیار مام، من باوهر نه د کر ئهڤه ڕاستییهکه جارهکا دی بسەرێ ملەتێ من د هێتە ڤه، من بریار دا ب زیترین وهخت دا ڤهگرم کوردستانێ بۆ دهمهکێ نه دیارکری ل وێرێ بم و ل گهل كەس و کارێن خۆ دا بم.
ڕۆژا پاشتر من دهست ژ کارێ خۆ بهردا و وێ ئێڤارێ هاتم کوردستانێ ب کامیرا خۆ و دهستهکێ جلکا د گهل خۆ من ئینان. ل کوردستانێ گهلهک ژ ههڤال، کهس و کارێن من د گۆت ئهز یێ دینم ئهز نووکه هاتیم، ژ بهرکۆ ژیان ل ڤی وهلاتی نه مایە. من بریار دا چیرۆکێن ئاوارێن کورد ڤه گۆهێزمە وهلاتێن ئهورۆپایێ و تایبهت سوێدێ، دا خهلک ب بینیتن کا چ بسەرێ خهلکێ بێ گۆنه دهێتن، کا چاوا زارۆک و دانعمر ژ برسا دا ل بنێن ڕێیا د مرن و هاریکاری ژ دهرڤه ناهێن. ل وهلاتێن ئهورۆپا یێ کێم کهسا ئهڤ چهنده دزانی. ئهز ٩ ڕۆژان ل کوردستانێ مام، ٩ ڕۆژێن گهلهک کێم خهو، کێم خارن و ڤهخارن و پر ب کار.
د وی دهمی دا من چهندین ڕێپۆرتاژێن ڕادۆ د گهل پێشمهرگا و سەر ئاوارهیێن کورد ئامادهکرن، ڕۆژانه چەندین وێنه و پارچه ڤیدیۆیێن من ل وەلاتێ سوێدێ د مالپهر، ڕۆژنامه و تهلهڤزیۆنێن سوێدێ دا هاتنه بهلاڤ کرن. ههر د وی دهمێ ئهز ل کوردستانێ بووم من ٢٠ سەعەتێن چیرۆکێن ئاوارێن کوردێن ئێزدی ب ڤیدیۆیێ ژ بۆ کارێ بهلگهفلمهکێ تایبهت ل سەر تاوانێن داعشێ د گهل خۆ ئینان سوێدێ. دهمێ ئهز ڤهگهریام ستۆکهۆلمێ من ئێکسەر دهست ب کارێ مۆنتاژ کرنا بهلگهفمی کر، شهڤ و ڕۆژ بۆ من بونە ئێک، پشتی چهند ڕۆژهکان ئهو بهلگهفلم بۆ ڕاستییهک و بۆ جارا ئێکێ بزمانێ کوردی و سوێدی ل تهلهڤزیۆنا سوێدێ كەنال٤ هات بهلاڤ کرن ل ژێر ناڤێ ئیسیس ئۆفهر، ل گهل پهخشکرنا فلمی و ههفتیهکێ پشتی هینگێ ژی ب ڕێیا وێ تهلهڤزیۆنێ خهلکێ سوێدێ پاره ب ئێس ئێم ئێسان و تهلهفۆنا بۆ ئاریکارییا ئاوارهیان ڤرێدکرن، ئهو پاره ب ڕێیا چهند منهزهمهکێن ئاریکاریێ هاتن کوردستانێ. چیرۆکێن ئاوارهیێن کورد و نیشاندانا زۆرداریێن داعشێ گهلهک ڕۆندک ژ چاڤێن تهماشهڤانێن بهلگهفلمی دا ئینن خار.
دوو ههفتیا پشتی هینگێ ئهو بهلگهفلم ب زمانێ ئینگلێزی د تهلهڤزیۆنێن ٦ وهلاتێن دی ژی هات بهلاڤکرن، ئهو ژی وهلاتێ فرهنسا، پورتۆگال، پۆلۆنیا، ئیسرایل، هۆڵاندا ئو نهرویج ئێ ل ژێر ناڤێ كرولتی ئۆف زە ئیسس. ههر وهسا د ڤان ھەفتیێن چۆی دا بهلگهفلم ب دهنگێ کوردی ژی هات چێکرن ل ژێر ناڤێ تاوانێن داعشێ و ل بهره د دهمهکێ نێزیک دا ل وهلاتێ ژماره ٨ دا کۆ کوردستانه، تهلهڤزیۆنا ڕووداو دا بهێته نیشان دان.
چیرۆکا رۆژنامهڤان ل سەر وان زۆرداریێن ل وهلاتێ وی دهێن کرن و ئاوارهیێن کورد ل ڤێرێ ب دیماهی نا هێتن، دهمێ ئهو نهشێ وهک پێشمهرگهکی چهکی هڵگرێت دێ ههول دهدا پێشمهرگاتییا خۆ ب ڕێیا وی کارێ بکات، دێ دهنگێ خهلکێ خۆ، وهلاتێ خۆ و زۆرداریێن د ژی وان ل پێتر وهلاتێن جیهانێ بهلاڤ بكات، ب ڕێیا کامیراێ خۆ.
بهشی بكه لە
