هێڵکاریی دڵی گەنجێک لەنێو ستۆدیۆی دکتۆر ئاراس

ئەم بەرنامەیەی دکتۆر ئاراس تایبەتە بە سێ بڕگەی جیاواز، بەرنامە بە هێڵکاریی دڵ دەستپێدەکات و لە ستۆدیۆ هێڵکاریی دڵ بۆ گەنجێك دەکرێت، دکتۆر ئاراس لێی دەپرسێت بۆچی لێدانی دڵت خێرایە؟ سترێسی یان عاشقی؟ گەنجەکە وەڵامی دەداتەوە و بڕگەی دووەم دەستپێدەکات. 

لە بڕگەی دووەمدا خۆراکی خانمانی دووگیان و سووکەژەمەکان باسدەکرێن، باس لەوە دەکرێت کە خانمان دەبێت زۆرترین سووکەژەم بخۆن کە هەمەجۆر بێت، تەندروست و بەسوودبن بۆ ئەوەی خۆیان و کۆرپەکەیان لە داهاتوودا گەشەیەکی باشیان هەبێت. 

بڕگەی سێیەمی بەرنامەکە تایبەتە بە ڤیتامین D، پزیشكێكی دەرمانساز دەڵێت جەستەی هەموو کەسێك بۆ جێبەجێكردنی فرمانەکانی پێویستی بەوە هەیە ڤیتامین D پێویست لە جەستەیدا هەبێت، ئەمەش دەکرێت بە حەب، دەرزی، شروب و شەربەت بێت.