جواو پێدرۆ
رووداو دیجیتاڵ
جواو پێدرۆی بەرازیلی و یاریزانی نوێی یانەی چێڵسی گەیشتە ئەمریکا و یەکەم مەشق و راهێنانی بە درێسی یانەکەوە ئەنجامدا و خۆی بۆ یاریی قۆناخی هەشتی مۆندیالی یانەکان ئامادەدەکات.
جواو پێدرۆ رۆژی چوارشەممە لە یانەی برایتنی ئینگلیزییەوە بەرامبەر 55 ملیۆن پاوەند و 5 ملیۆن پاوەند وەکو گۆڕانکاری پەیوەندیی بە ریزەکانی یانەی لەندەنییەوە کرد.
دوای پەیوەندیکردنی بە یانەکەوە پێدرۆ راستەوخۆ چووە مەیامی و لە فلۆریدا لەگەڵ یانەکە دەستی بە مەشق و راهێنان کرد.
یانەی چێڵسی خۆی بۆ یاریی بەرامبەر پاڵمێراس ئامادەدەکات، کاتێک بەرەبەیانی رۆژی شەممە کاژێر 04:00 لە دووەم یاریی قۆناخی هەشتی مۆندیالی یانەکاندا رووبەڕووی یەکدەبنەوە.
جواو پێدرۆ دەڵێت " من بە تەماشاکردنی یارییەکانی پرێمەرلیگ گەورەبووم، چێڵسی یانەیەک بوو کە نازناوی بەدەستهێناوە، بۆیە کاتێک پەیوەندی بەم یانەیەوە دەکەیت، تەنیا بیر لە یەک شت دەکەیتەوە، ئەویش بردنەوەی نازناوەکانە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ