رووداو دیجیتاڵ
یانەی مانچێستەر سیتی چاوی لە هەڵکشانی زیاترە بەرەو پلەکانی پێشەوەی ریزبەندی پرێمەرلیگ، سەرەڕای ئەوەی لە دەرەوەی یاریگەی خۆی یاری دەکات.
لە درێژەی یارییەکانی گەڕی حەوتەمی خولەکەدا، کاژێر 18:30 مانچێستەر سیتی لە دەرەوەی یاریگەی و خۆی بەرامبەر یانەی برێنتفۆرد یاری دەکات و دەیەوێت بردنەوەیەکی دیکە تۆماربکات.
سیتی لە چامپیۆنزلیگدا لە دوایین ساتەکاندا لەگەڵ مۆناکۆ یەکسانبوو و دوو خاڵی لەدەستدا، بۆیە نایەوێت لە پرێمەرلیگیشیدا خاڵی زیاتر لەدەستبدات.
ئێرلینگ گۆڵکاری ئەم وەرزەی پرێمەرلیگە و هەشت گۆڵی تۆمارکردووە، ئەمڕۆ دەیەوێت سەرکردایەتی بردنەوەیەکی دیکەی ستیزنز بکات.
بۆ یارییەکە عومەر مەرمووش و رەیان شێرکی گەڕاونەتەوە نێو مەشقەکانی یانەکە، بەڵام دیارنییە گواردیۆلا یارییان پێدەکات یان نا.
مانچێستەر سیتی لە پلەی هەشتەمی ریزبەندی خولەکەیە بە کۆکردنەوەی 10 خاڵ، برێنتفۆرد لە 6 یارییدا بە دوو بردنەوە، یەکسانبوونێک و سێ دۆڕان بە 7 خاڵ لە پلەی چواردەیەمە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ