بەرازیل
رووداو دیجیتاڵ
هەڵبژاردەی بەرازیل یەکەم یاریی لە یاریگەی خۆیدا لەژێر سەرپەرشتی کارلۆ ئەنچێلۆتی ئەنجامدا و بەبردنەوە لە پاراگوای گەیشتە مۆندیالی 2026.
پێشکۆتاییهاتنی نیوەی یەکەمی یارییەکە ڤینیسیۆس جونیۆر گۆڵێکی بۆ هەڵبژاردەی بەرازیل تۆمارکرد و هاندەرانی نێو یاریگەی کۆرێنچیانزی دڵخۆشکرد.
دوای ئەوە ڤینی تووشی پێکانبوو و گۆڕانکاریی پێکرا و بەدڵتەنگییەوە لەسەر کورسیی یەدەگ دەرکەوت.
بەرازیل لەنێو یاریگە و هاندەرانیدا بە گۆڵێکی بێبەرامبەر سەرکەوتنی بەرامبەر پاراگوای بەدەستهێنا، تیپەکە لە پلەی سێیەمی ریزبەندی هەڵبژاردەکانی ئەمریکای باشوور بووە خاوەنی 25 خاڵ و بەفەرمی سەرکەوتنی بۆ مۆندیالی 2026 مسۆگەر کرد.
ئەمە یەکەم دەرکەوتنی ئەنچێلۆتی بوو لە خاکی بەرازیلدا و لە رۆژی لە دایکبوونیدا تیپەکەی گەیاندە مۆندیالی داهاتوو و هەڵبژاردەی بەرازیل بۆ جاری 23ـەم بەشداری لە پاڵەوانێتییەکەدا دەکات.
هەڵبژاردەی بەرازیل تاوەکو ئێستا بەشداریی لەسەرجەم مۆندیالەکاندا کردووە و یەکەم هەڵبژاردەیە لە مێژوودا بەشداریی لە هەر 23 مۆندیالدا کردبێت، جگە لەو هەڵبژاردەیە هیچ هەڵبژاردەیەکی دیکە لەسەر ئاستی جیهان نەیتوانی ئەم ریکۆردە تۆماربکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ