ناوەندێکی گرنگی کولتووری، پزیشکی و ئەستێرەناسی بووە
رووداو - هەولێر
مەدینە زەهرا یان شاری زەهرا میراتێکی کەلەپووریی ئیسلامییە لە باشووری ئیسپانیا و دەکەوێتە نزیک شاری قورتوبە.
مێژووی دروستکردنی ئەو شارە دەگەڕێتەوە بۆ سەدەی دەیەمی زاینی، ئەو کاتەی کە پایتەختی خەلافەتی ئیسلامیی ئەندەلووس لەبەر قەرەباڵخیی و زۆری ژمارەی دانیشتووانەکەی لە قورتوبەوە بۆ مەدینە زەهرا گوازرایەوە.
مەدینە زەهرا بە درێژایی سەدەی دەیەمی زاینی ناوەندێکی گرنگی بەرهەمهێنانی کولتووری، پزیشکی، ئەستێرەناسی و کشتوکاڵیی ئەو سەردەمە بووە. هەروەها هوونەری بیناسازییەکەشی جیاواز و کەموێنە بووە. لەو سەردەمەدا مەدینە زەهرا لەگەڵ بەغدا و میسر لە گرنگترین پایتەختی خەلافەتە ئیسلامییەکان بوون.
ئێستا مەدینە زەهرا تەنیا وەک شوێنەوارێک ماوەتەوە و لەلایەن ئاژانسی یونسکۆی سەر بە نەتەوەیەکگرتووەکانەوە دەستنیشانکراوە تاوەکو بخرێتە ناو لیستی میراتی کەلەپووریی جیهانییەوە.
داڕشتنەوە: حەکیم داود
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ