هەڵەیەک روویدا! دووبارە هەوڵبدە
رووداو دیجیتاڵ
وەزیریی بەرگریی چیک رایدەگەیێنێت، بە بەهای 7.6 ملیۆن یۆرۆ هاوکاریی سەربازی پێشکێشی سوپای ئۆکراینا دەکەن.
جانا سیرنۆشۆڤا، وەزیریی بەرگریی چیک ئەمڕۆ شەممە 26-02-2022 لە هەژماری تایبەتیی خۆی لە توویتەر رایگەیاند، بە بەهای 7.6 ملیۆن یۆرۆ هاوکاریی سەربازیی "چەکی قورس و سووک" هاوکاریی سەربازی سوپای ئۆکراینا دەکەن و بەردەوامیش دەبن.
وەزیریی بەرگریی چیک هەروەها ئاماژەی بەوەش کردووە، "هاوکارییەکان دەگەیێنینە ئەو شوێنەی کە ئۆکراینا بیەوێت."
دواتر و لە بارەی وردەکاریی هاوکارییەکانی وڵاتەکەی بۆ ئۆکراینا، وەزیری بەرگریی چیک بە رۆژنامەڤانانی راگەیاند، پاکێجی هاوکارییەکانیان بریتین لە؛ 30 هەزار دەمانچە، 7 هەزار تفەنگ، یەک ملیۆن فیشەک و چەندین پێداویستیی دیکەی سەربازیی.
هەروەها گوتیشی، ئەو هاریکارییانە لە ماوەیەکی کەمدا دەگەنە ئۆکراینا.
بەگوتەی وەزیری بەرگریی چیک، پێشتریش و لە مانگی کانوونی دووەمدا، وڵاتەکەی بە بەهای 1.5 ملیۆن یۆرۆ هاوکاریی پیشکێشی ئۆکراینا کردووە.
کۆماری چیک لە ساڵی 1999ـەوە بووەتە ئەندامی ناتۆ.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ