رووداو دیجیتاڵ
ئەم هەفتەیە لە شاری (گێڵزنکیرشن)ی ئەڵمانیا، تیکتۆکەرێکی ناسراوی کورد بە ناوی مەتین ئاجار تەقەی لێکراوە و بریندار بووە.
مەتین لەو ڤیدیۆیانەیدا کە لە تیکتۆک و تۆڕە کۆمەڵایەتییەکانی دیکەشدا بڵاویاندەکاتەوە، لەگەڵ کچانی ئەورووپایی دەردەکەوێ و زۆرجار ماچیان دەکات. هەروەها خواردن لێدەنێ، کە زۆربەی جار برنج و فاسلۆیای لەگەڵە و سەوزەی زۆری لەگەڵ دەخوات.
هەمیشە دوای ماچ یان خواردن دەڵێت، (تشتێ خوەش، خوەشە)! بەڵام ئەم جارە لەپێش دووکانێکی دۆنەر لەجیاتی تشتێ خوەش، کەسێک تەقەی لێدەکات و سێ گولـلەی پێوەدەنێ و بە هەردوو قاچی کەوتوون.
مەتین، ئەو تیکتۆچییە کوردەی دەڵێت: "تشتی خۆش خۆشە"، لە ئەڵمانیا بریندار کرا و تشتی ناخۆشی پێشاندرا pic.twitter.com/5uCk8JQ0Vt
— Rudaw (@Rudawkurdish) December 26, 2025
مەتین یەکسەر بە برینداری و بە وەشانی زیندوو (واتە لایڤ) شۆپێنەرەکانی ئاگادار دەکاتەوە کە زیندووە و لەلایەن تیمەکانی فریاگوزارییەوە دەگوازرێتەوە بۆ نەخۆشخانە. ئەوانەی دەیگوازنەوە داوای لێدەکەن ڤیدیۆکەی رابگرێ و ئەویش دەڵێ باشە. ئەوانەی لەوێ مەتینیان بینیوە، بە بەرنامەی دیاسپۆرایان گوت، برینەکانی سەخت نین و ئێستا تەندروستیی جێگیرە.
پاش رووداوەکە، داواکاری گشتیی شاری ئاخن رایگەیاند، هێرشبەرەکە پاش تاوانەکە بەرەو شوێنێکی نادیار هەڵاتووە و هێشتا دەستگیر نەکراوە. دەشڵێ، لێکۆڵینەوەکان بۆ دۆزینەوەی کەسی هەڵاتوو و پاڵنەرەکانی پشتی هێرشەکە بەردەوامن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ