سەرۆکی پەرلەمانی ئێران لە نوێترین لێدوانیدا لەبارەی گرژییەکانی تەنگەی هورمزەوە هۆشداری دەداتە ئەمریکا و دەڵێت، هاوکێشەی نوێ لە ناوچەکەدا جێگیر دەبێت و بەمەش "ئەمریکا و هاوپەیمانەکانی شەڕیان کەم دەبێتەوە."
دوای ماوەیەک لە دەستبەسەرکردنی کەشتییەکەیان لەلایەن هێزە دەریاییەکانی ئەمریکاوە، 15 ئەندامی ستافی کەشتیی "تۆسکا" لە رێگەی سنووری پاکستانەوە گەڕانەوە نێو خاکی ئێران
حوسێن موحیبی، گوتەبێژی سوپای پاسدارانی ئێران رایگەیاند، ئاسایش و سەلامەتی تەنیا بۆ ئەو کەشتییە مەدەنی و بازرگانییانە دەستەبەر دەکرێت کە بەپێی "پرۆتۆکۆلە ترانزێتییەکانی سوپا" و لەو رێڕەوانەی بۆیان دیاریکراوە هاتووچۆ دەکەن.
بەرپرسانی کەرتی وزە لە ئێران بۆ یەکەم جار وردەکاریی ئەو زیانانە ئاشکرا دەکەن کە لە ئەنجامی هێرشەکانی "ئیسرائیل-ئەمریکا" بەر ژێرخانی کارەبای تاران کەوتوون. جێگری کۆمپانیای دابەشکردنی کارەبای تارانی گەورە رایگەیاند، زیاتر لە نیوەی هێرشەکانی بەرەی ئیسرائیل و ئەمریکا بۆ سەر پارێزگای تاران بووە و ئامانج لێی "تاریککردنی پایتەخت" بووە.
لە دوای راوەستانی شەڕ و جێگیربوونی ئاگربەستە "تۆکمە بەڵام ناسکەکەی" نێوان تاران و بەرەی ئەمریكا - ئیسرائیل، فڕۆکەخانەی نێودەوڵەتیی ئیمام خومەینی بە خێرایی دەگەڕێتەوە دۆخی ئاسایی و تەنیا لەم هەفتەیەدا زیاتر لە 21 هەزار گەشتیار هاتوچۆیان کردووە. ئەمەش لە کاتێکدایە ئیسلام ئاباد بەردەوامە لە گواستنەوەی پەیامەکان بۆ رێگری لە هەڵگیرسانەوەی جەنگ
لە هەنگاوێکدا بۆ دەربازبوون لە گەمارۆ دەریاییەکان و کەمکردنەوەی پشتبەستن بە بەندەرەکانی کەنداو، تاران روو لە پاکستان دەکات. وەزارەتی بازرگانیی پاکستان بە فەرمی رێگەی بە ترانزێتی کاڵای وڵاتانی سێیەم دا کە لە رێگەی خاکەکەیەوە بەرەو ئێران بڕۆن، ئەمەش وەک وەڵامدانەوەیەک بۆ ئەو گوشارە ئابوورییانەی لەلایەن ئەمریکاوە خراونەتە سەر تاران
فەرماندەی پۆلیسی پارێزگای کرمانی ئێران رایگەیاند، لە ئۆپەراسیۆنێکی هێزەکانیاندا لە بیابانی "شەهداد"، دەستیان بەسەر زیاتر لە یەک تۆن و 800 کیلۆگرام ماددەی هۆشبەردا گرتووە و سێ قاچاخچییش کوژراون.
بەڕێوەبەری پۆلیسی ئاسایشی ئابووریی ئێران رایگەیاند، لە چوارچێوەی هەڵمەتەکانیاندا بۆ بەرەنگاربوونەوەی کاڵای قاچاخ، لە مانگی رابردوودا دەستیان بەسەر هەزار و 316 ئۆتۆمبێلی قاچاخدا گرتووە کە لەو وڵاتە بە (خودرەو شووتی) ناسراوە.
دوای ماوەیەک لە وەستان و سنووردارکردنی جووڵەی ئاسمانی بەهۆی جەنگ و قۆناخە نادڵنیاییەکەی دوای جەنگ، کۆماری ئیسلامیی ئێران دەستپێکردنەوەی گەشتە ئاسمانییەکانی لە بەشێکی زۆری فڕۆکەخانەکانی راگەیاند
بەهۆی دۆخی ئەمنی و سێبەری شەڕ لەگەڵ ئیسرائیل و ئەمریکا، وەزارەتی پەروەردەی ئێران چەند بڕیارێکی بەپەلە و چارەنووسساز بۆ قوتابیان دەردەکات. گوتەبێژی وەزارەتەکە دەڵێ، ئەگەر دۆخەکە رێگەنەدات، تاقیکردنەوە نیشتمانییەکان ناکرێن و سیستمێکی جێگرەوە جێبەجێ دەکرێ
