Hewlêr (Rûdaw) - Rêkxerê Navenda Metroyê ya Parastina Mafên Rojnamegeran da zanîn ku rojnameger Hêmin Mamend bi 2 guleyan hatiye birîndarkirin û rewşa wî ya tenduristiyê ne baş e.
Rêkxerê Navenda Metroyê Rehman Xerîb ji Tora Medyayî ya Rûdawê re ragihand:
“Di êrişeke çekdarî de rojnameger Hêmin Mamend birîndar bû û niha tê emeliyatkirin.”
Rehman Xerîb diyar kir ku rewşa tenduristiyê ya Hêmin Mamend ne baş e û “hîn ji metirsiyê derbas nebûye”.
Êriş derdora saet 19:30ê pêk hatiye.
Rêkxerê Navenda Metroyê Rehman Xerîb anî ziman:
“2 gule lê ketine; yek li milê wî û ya din li pişta wî.”
Xerîb destnîşan kir ku bûyer li taxa Şoreşê ya Silêmaniyê rû daye û got:
“Nayê zanîn ji aliyê kê ve hatiye kirin lê pirs ev e, kî ji hedefgirtina rojnamegeran sûdê werdigire?”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse