Hewlêr (Rûdaw) – Serokê Herêma Kurdistanê di peyama xwe ya Cejna Qurbanê de got, “Em bawer dikin ku pirsgirêka meaşan a li Herêma Kurdistanê divê li ser bingeha destûr, yasa û rêkeftinan; bi rêya diyalog û lihevhatinan were çareserkirin.”
Serokê Herêma Kurdistanê Nêçîrvan Barzanî ji bo Cejna Qurbanê li ser hesabê xwe yê Xê peyamek belav kir.
Nêçîrvan Barzanî di peyama xwe de got:
“Di Cejna Qurbanê de ez pîrozbahiyên xwe yên herî germ û jidil pêşkêşî hemû Misilmanên Herêma Kurdistanê, Îraqê û çar aliyên cîhanê dikim.
Ez ji Xwedayê Mezin dixwazim ku ev cejn bi tenduristî û dilxweşî derbas bibe û ji her kesî re aramî, ewlehî û xweşguzeraniyê bîne.”
Nêçîrvan Barzanî di berdewamiya peyama xwe de banga hevkariyê kir û anî ziman:
“Bi vê helkeftê, em wateyên cejnê; dayîna qurbanê, fedakarî û aştiyê bi bîr tînin.
Em banga xwe ji bo xurtkirina hevgirtina civakî, hevkarî û hewldana ji bo derbaskirina pirsgirêkan dubare dikin.
Em baweriya avakirina bingehên dadwerî, bawerî û jiyaneke birûmet a bi hev re tekez dikin.”
Nêçîrvan Barzanî di peyama xwe de cih da neşandina meaşên karmendên Herêma Kurdistanê ya ji aliyê Îraqê ve û banga diyalogê kir:
“Em bawer dikin ku pirsgirêka meaşan a li Herêma Kurdistanê divê li ser bingeha destûr, yasa û rêkeftinan; bi rêya diyalog û lihevhatinan were çareserkirin.
Çareserkirina vê pirsgirêkê dê xizmeta berjewendiyên civakê bike.
Gelê Kurdistanê bi israr li pey mafên xwe ye û piştgiriyê dide rêya çareseriyê ya destûrî.
Em hêvî dikin ku ev cejna pîroz bibe destpêka qonaxeke nû ku aqil û berpirsyariya hevbeş tê de serdest be û bibe sedema paşerojeke çêtir ji bo hemû beşên Îraqê.”
#GRAFÎK - Serokê Herêma Kurdistanê Nêçîrvan Barzanî di peyama xwe ya Cejna Qurbanê de got:
— RudawKurdi (@RudawKurdi) June 5, 2025
🎙️ ❝Divê pirsgirêka meaşan bi gotûbêjan were çareserkirin❞#CejnaQurbanê #عيد_الأضحى pic.twitter.com/WwmkeiIKEz
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse