Hewlêr (Rûdaw) - Li navçeya Kopê ya Mûşa Bakurê Kurdistanê di êrişeke bi çekan de birayek hat kuştin û yek jî hat birîndarkirin.
Li taxa Mescîtliyê ya navçeyê, demek berê di navbera endamên malbatên Gul û Kirdar de nîqaş derketibû.
Kesekî ji malbata Gul îro li navenda bajêr gule li wesayîta ku du bira tê de bûn reşandin.
Sîdar Kirdar (31) û kekê wî Abdulmutalîp Kirdar (39) di êrişê de birîndar bûn.
Piştî ku xeber hat, polîs û tîmên tenduristiyê çûn cihê bûyerê.
Tîmên tenduristiyê her du bira rakirin Nexweşxaneya Dewletê ya Kopê.
Sîdar Kirdar ji mirinê nehat rizgarkirin û dermankirina Abdulmutalîp Kirdar berdewam dike.
Polîsan ji bo girtina êrişkar dest bi xebatan kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse