Li Kampa Berdereşê 3 çadir şewitîn

Hewlêr (Rûdaw) - Li Kampa Berdereş a penaberên Rojavayê Kurdistanê li Duhokê 3 çadirên penaberan şewitîn, tenê ziyanên madî hene.

Îro sibehê agir bi çadireke Kampa Berdereş a penaberên Rojavayê Kurdistanê ket û piştre gihişte du çadirên din, hersê çadir şewitîn.

Li gor zanyariyên berdest ziyanên madî yên mezin gihiştin xwedanên wan.

Xwediyê çadirê ji Rûdawê re got ku, eger cîran bi wan ve nehatibana, wan nedikarî xwe rizgar bikin.

 Kampa Berdereşê ku li navçeya Berdereş a ser bi parêzgeha Duhokê ve ye di sala 2014an de hatiye vekirin û niha zêdetirî 4 hezar û 500 penaberên ji Rojavayê Kurdistanê têde ne.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger