Li Efrînê du birayên Ebu Emşe hatin girtin

Hewlêr (Rûdaw) - Komîteya Lêkolînê û Vegerandina Mafan li Efrînê 2 birayên Ebu Emşe desteser kirin.

Hêzên ser bi Komîteya Lêkolînê û Vegerandina Mafan li Efrînê hejmarek fermandeyên grûpa Siltan Silêman Şah ku bi navê Emşat tê naskirin desteser kirin.

Doktor Ebdulhekîm Beşar, Cîgirê Serokê Îtîlafa Opozisyona Sûriyê ji Tora Medyayî ya Rûdawê re ragihand ku Komîteya Lêkolînê û Vegerandina Mafan li Efrînê hejmarek fermandeyên grûpa Siltan Silêman Şah desteser kirine.

Beşar da zanîn ku girtina van fermandeyên grûpa navborî ji ber binpêkirinên wan li nahiyeya Şiyê ye.

Cîgirê Serokê Îtîlafê herwiha diyar kir ku di nav girtiyan de herdu birayên Mihemed el-Casim, fermandeyê Siltan Silêman Şah, Seyf el-Casim û Sîrac el-Casim hene.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger