Hewlêr û Warşova dixwazin pêwendiyên xwe berfireh bikin

Hewlêr (Rûdaw) - Serokê Herêma Kurdistanê Nêçîrvan Barzanî bi Konsulê nû yê Polonyayê yê Hewlêrê Maciej Zajdel re rûnişt.

Serokê Herêma Kurdistanê, Maciej Zajdel ji bo erkê wî yê nû pîroz kir, jê re serkeftin xwest û ji bo serkeftina erkê wî piştevaniya xwe nîşan da.

Li gorî daxuyaniya Serokatiya Herêma Kurdistanê, Nêçîrvan Barzanî xwesteka Herêma Kurdistanê ya ji bo bipêşxistina pêwendiyên bi Polonyayê re û berfirehkirina hevkariya hevbeş a di warên cuda de ducare kiriye.

Di daxuyaniyê de hatiye gotin:

"Konsulê Giştî yê nû yê Polonyayê kêfxweşiya xwe ji ber destbikarîbûna li Herêma Kurdistanê anî zimên û xwesteka welatê xwe ya ji bo bipêşxistina pêwendiyan bi Herêma Kurdistanê re nîşan da."

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger