Nêçîrvan Barzanî û Steven Fagin civiyan

Hewlêr (Rûdaw) - Nêçîrvan Barzanî û Meslehetguzarê Balyozxaneya Amerîkayê li hev civiyan û pirsa mûçe û pirsgirêkên di navbera Hewlêr û Bexdayê de gotûbêj kirin.

Serokê Herêma Kurdistanê Nêçîrvan Barzanî li Hewlêrê Meslehetguzarê Balyozxaneya Amerîkayê ya Îraqê Steven Fagin qebûl kir û wan pirsa mûçe û pêwendiyên di navbera Hewlêr û Bexdayê de gotûbêj kir.

Li gorî daxuyaniya Serokatiya Herêma Kurdistanê, di hevdîtinê de behsa rewşa giştî ya Îraq û Herêma Kurdistanê, pêwendiyên Hewlêr-Bexdayê, pirsa mûçe û şayisteyên darayî yên Herêma Kurdistanê û herwiha pêwendiyên Amerîkayê yên bi Îraq û Herêma Kurdistanê re hat kirin.

Di civînê de her du aliyan tekezî li ser bipêşxistina pêwendiyên Amerîkayê yên bi Îraq û Herêma Kurdistanê re li ser bingeha berjewendiyên hevbeş kir û li ser girîngiya çareserkirina pirsgirêkên di navbera Hewlêr û Bexdayê de bi rêya diyalog û lihevtêgihiştinê, hemfikir bûn.

Serokê Herêma Kurdistanê spasiya rola Steven Fagin a di bipêşxistina pêwendiyên Amerîkayê yên bi Îraq û Herêma Kurdistanê re kir û pesnê hewlên wî yên ji bo nêzîkkirina Hewlêr û Bexdayê da.

Pêşhatên dawî yên li herêmê û çend pirsên din ên girîng ên ji bo her du aliyan, mijareke din a civînê bû ku Serokê Dîwanê, Sekreterê Encûmena Wezîran a Herêma Kurdistanê û Konsulê Giştî yê Amerîkayê yê li Herêma Kurdistanê jî tê de amade bûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger