Hewlêr (Rûdaw) -Sekreterê PDK-Syê Ciwan Ebdulkerîm Siko ragihand daxuyaniya ku bi navê 133 êl û eşîrên Ereb ên Sûriyeyê hatiye belavkirin û tê de gef li HSDyê hatibû xwarin sexte ye.
Sekreterê PDK-Syê Ciwan Ebdulkerîm Siko ragihand daxuyaniya ku bi navê 133 êl û eşîrên Ereb ên Sûriyeyê hatiye belavkirin û tê de gef li HSDyê hatibû xwarin sexte ye.
Hat ragihandin ku daxuyaniya ku doh (26ê Tîrmehê) li ser navê 133 êl û eşîrên Ereb ên Sûriyeyê hatibû belavkirin û gef li Hêzên Sûriyeya Demokratîk (HSD) dixwar, sexte ye.
Di wê daxuyaniyê de gef li HSDyê hatibû xwarin ku di demeke nêzîk de çekên xwe radestî Hikûmeta Sûriyeyê bike û ji Dêrezor, Reqa û Hesekê derkeve.
Sekreterê Partiya Demokrat a Kurdistan-Sûriyeyê (PDK-S) Ciwan Ebdulkerîm Siko ji Rûdawê re ragihand ku çavkaniyeke pêbawer ji wî re piştrast kiriye ku ew daxuyanî sexte ye û ji rastiyê dûr e.
Li gorî heman çavkaniyê, çend xalên ku sextebûna daxuyaniyê îspat dikin hene:
Di daxuyaniyê de cudahî nexistine navbera êl û eşîran û hemû wekî êl hatine binavkirin, tevî ku her êlek gelek eşîran li xwe digire.
Li kêleka pencemoran navê ti serokê êl an eşîrê nehatiye nivîsandin.
Mohra fermî ya ti êl û eşîranli ser daxuyaniyê nîne.
Hejmara pencemoran ji hejmara navan kêmtir e û hemû jî wekî hev in.
Li Bakur û Rojhilatê Sûriyeyê ew qasî êl û eşîr nînin.
Çavkaniyê pêwendî bi hinek serokên eşîran ku navê wan di daxuyaniyê de heye re daniya û wan serokan beşdarbûna xwe red kirine.
Heman çavkaniyê ji Ciwan Siko re daye zanîn ku armanca belavkirina vê daxuyaniya sexte provokasyon û çêkirina aloziyê ye.
Tê nûkirin...
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse