Hewlêr (Rûdaw) - Siyasetmedara Kurd Leyla Zanayê êrişa bi dronan a li ser mala Serokê Herêma Kurdistanê Nêçîrvan Barzanî ya li Dihokê şermezar kir û peyama piştevaniyê da.
Leyla Zanayê li ser hesabê xwe yê medyaya civakî derbarê êrişa ser mala Nêçîrvan Barzanî de peyamek belav kir.
Siyasetmedara Kurd di peyama xwe de got, "Ez bi tundî êrişa li ser mala Serokê Herêma Kurdistanê Birêz Nêçîrvan Barzanî ya li Dihokê şermezar dikim."
Leyla Zanayê di berdewamiya daxuyaniya xwe de destnîşan kir ku ew di van rojên zehmet de li gel Herêma Kurdistanê ne û wiha got:
"Ez hemû hevsozî û piştgiriya xwe ya ji bo cenabê wî û gelê me yê li Herêma Kurdistanê nîşan didim.
Di vê rewşê de, dilê me bi wan re ye û em ji Xwedê hêvî dikin ku gel û welatê me biparêze."
Êrişa li ser mala Nêçîrvan Barzanî
Mala Serokê Herêma Kurdistanê Nêçîrvan Barzanî ya li Dihokê, îro rastî êrişeke asmanî hat.
Li gorî agahiyan, êriş bi rêya dronê pêk hatiye û zererên madî gihiştine malê.
Ji ber ku roja bêhnvedanê bû, di dema êrişê de ti kes di malê de nebû û ji ber vê yekê ti zererên canî çênebûn.
Bi tundî êrîşa ser mala birêz Nêçîrvan Barzanî, serokê Herêma Kurdistanê ya li Duhokê şermezar dikim.
— Leyla Zana (@leylazanainfo) March 28, 2026
Hemû hevsozî û piştgiriya xwe ji bo cenabê wî û gelê me li Herêma Kurdistanê nîşan didim.
Di vê rewşê de, dilê me bi wan re ye û em ji Xwedê hêvî dikin gel û welatê me…
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse