Delal Sedûn a ku temenê wê ji 100 salan derbas bûye, hêjî li ser hişê xwe ye û her tişt tê bîra wê
Hewlêr (Rûdaw) – Li bajarokê Çil Axa yê ser bi Dêrikê ve li Rojavayê Kurdistanê pîrejinekê 100 sal temen derbas kiriye, lê hêj di hişê wê de gelek helbest, stran û çîrokên Kurdî mane.
Delal Sedûn a ku temenê wê ji 100 salan derbas bûye hêjî li ser hişê xwe ye û her tişt tê bîra wê.
Delal Sedûn gelek çîrok, stran û helbestên Kurdî ezber kirine. Ji xeynî zimanê xwe yê dayîkê Kurdî, ew herdu zimanên Erebî û Tirkî jî dizane.
Delal Sedûn ji Rûdawê re wiha behsa xwe dike: “Emrê min sed û hinek e. Min di dema xwe de bi qantırın cotkari kiriye. 14 zilam hebû û ez jî ya 15emîn bû me cotkarî dikir. Wê demê pezê me, çêlekên me û gamêşên me hebûn. Em diçûn bihariya min pez didot. Zilamê min bi mixtar û axayan re bû. 100 mêvanên wî bihata jî eleqeya wî bin wan re nedibû min ji wan re xwarin amade dikir. Carna min berx, carnan bizin û carnan jî mih ji wan re serjêdikir.”
Pîrejina Kurd 6 zarok û 50 neviyên wê hene.
Delal Sadûn ku hemû êş û xemgînî di qemiçokên rûyê wê de xuya dibin, strana “Hoy Hoy Memo” dibêje.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse