Haciyeke ji Rojhilatê Kurdistanê li Mekeyê wefat kir

Hewlêr (Rûdaw) - Berpirsê karwanê haciyan ê Mehabadê ragihand ku jineke ji bajarê Mehabadê yê Rijhilatê Kurdistanê li Mekeyê miriye.

Elî Wetmanî da zanîn ku navê wê haciyê Amîne Şerîfî ye û ji bajarê Mehabadê bûye û ji ber nexweşiya dil li bajarê Mekeyê yê Erebistana Siûdî miriye.

Her wiha Elî Wetmanî diyar kir ew heciya 85 salî di dema bicihanîna ferzên hecê tansiyona wê daketiye û wan ew yekser rakiriye nexweşxaneyê li ji ber rawestana dil wefat kiriye.

Îsal ji bajarê Mehabadê 170 kes çûne hecê.

Heta niha 6 haciyên ji Îran û Rojhilata Kurdistanê li hecê mirine.

Li gorî rapora Rêxistina Hec û Ziyaretan a Îranê, îsal ji Îran û Rojhilata Kurdistanê 85 hezar û 850 kes çûne hecê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger