Çekdaran bi dronan êrişî Benî Zêdê kir: 2 sivîl birîndar bûn

Hewlêr (Rûdaw) - Komên çekdar ên hikûmeta demkî ya Sûriyeyê bi dronan êrişî taxa Benî Zêdê ya Helebê kir û di encamê de 2 sivîl birîndar bûn.

Di dîmenên ku ji herêmê hatine belavkirin de xuya dike ku 2 sivîl li kolanê birîndar bûne û Hêzên Ewlehiya Hundirîn (Asayîş) hewl didin wan veguhêzin nexweşxaneyê.

Bîlanço giran dibe

Taxên Şêx Meqsûd, Eşrefiye û Benî Zêdê yên Helebê ev demek e di bin êrişên dijwar ên komên çekdar ên girêdayî hikûmeta demkî ya Sûriyeyê de ne.

Encûmena Tenduristiyê ya Şêx Meqsûd û Eşrefiyeyê ji Rûdawê re ragihand ku ji ber êrîş û topbaranan 8 kesan canê xwe ji dest da û 57 kes jî birîndar bûn.

Li gorî zanyariyan, di nava wan de jin û zarok jî hene.

#VÎDEO - Li Helebê êrişa bi dronê: 2 sivîl birîndar bûn

🔴 Li Taxa Benî Zêdê ya bajarê Helebê di êrişa droneke çekdarên hikûmeta Şamê de 2 sivîl birîndar bûn

🔴 Ji ber berdewamiya topbaranê tîmên hawarçûnê nikarin xwe bigihînin birîndaran pic.twitter.com/VgD9aSn7PD

— RudawKurdi (@RudawKurdi) January 8, 2026

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger