SÛRIYE - Komîteya Bilind a Hilbijartinan dest bi xebatan kir

Hewlêr (Rûdaw) - Komîteya Bilind a Hilbijartinên Parlamentoya Sûriyeyê dest bi kar û xebatan kir.

Komîte çavdêriya avakirina desteyên hilbijêr ên şaxan dike ku ev deste dê du ji sêyên endamên Meclisa Gel hilbijêrin.

Destpêka Hezîrana îsal Serokkomarê Sûriyeyê Ehmed Şer biryarnameya serokatiyê ya bi hejmara 66an a sala 2025an derxist ku bi biryarnameyê komîteyeke bi navê “Komîteya Bilind a Hilbijartinên Encûmena Gel” bi serokatiya Mihemed Teha El Ehmed hate avakirin.

Hejmara endamên Meclisa Gel 150 ye ku li gorî hejmara niştecihên li parêzgehan û li gorî kategoriyên rûspî û rewşenbîran û li gorî şertên ku ji aliyê Komîteya Bilind a Hilbijartinan ve hatine pejirandin, tên belavkirin.

Yek li ser sê endamên meclisê ji aliyê Serokkomar ve tên destnîşankirin ku 50 endam in.

Di heman demê de du beşên din jî bi rêya komîteyên hilbijartinê yên pejirandî li parêzgehan bi vî awayî tên belavkirin:

“Heleb 20 kursî, Şam 11 kursî, Gundewarê Şamê 10 kursî, Hums 9 kursî, Hema 8 kursî, Lazqiye 6 kursî, Tertûs 5 kursî, Idlib 7 kursî, Dêrezor 6 kursî, Heseke 6 kursî, Reqa 3 kursî, Dera 4 kursî, Siwêda 3 kursî û  Quneytra 2 kursî.”

#VÎDEO - Komîteya Bilind a Hilbijartinan a Parlamentoya Sûriyeyê dest bi kar û xebatên xwe kir

Nalîn Hesen radigihîne pic.twitter.com/yLFfbzIANk

— RudawKurdi (@RudawKurdi) June 27, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger