Hewlêr (Rûdaw) - Partiya Gelan a Wekhevî û Demokrasiyê (DEM Partî) ragihand ku di çarçoveya “Pêvajoya Aştî û Civaka Demokratîk” de wan di mehên Hezîran û Tîrmehê de 2 hezar civîn li dar xistine.
DEM Partiyê li ser hesabê xwe yê tora civakî derbarê kar û xebatên xwe yên girêdayî pêvajoya çekdanînê daxuyaniyek belav kir.
DEM Partiyê di daxuyaniyê de got:
“Di mehên Hezîran û Tîrmehê de di çarçoveya Pêvajoya Aştî û Civaka Demokratîk de li seranserî Tirkiyeyê 2000 civîn hatin lidarxistin.”
DEM Partiyê da zanîn ku di wan civînan de nêrîn, pêşniyar û rexneyên di serî de jin, ciwan, nûnerên komên cuda yên etnîkî û olan, saziyên civaka sivîl û rêxistinên pîşeyî hatine wergirtin.
Piştî banga Rêberê PKKyê Abdullah Ocalan a 27ê Sibatê, DEM Partiyê pêvajo wekî “Pêvajoya Aştî û Civaka Demokratîk” bi nav kiribû û li ser vê bingehê kar û xebatên xwe bi rê ve dibe.
Haziran - Temmuz 2025
— DEM Parti (@DEMGenelMerkezi) August 1, 2025
BARIŞ VE DEMOKRATİK TOPLUM BULUŞMALARI
Haziran ve Temmuz aylarında Barış ve Demokratik Toplum Süreci kapsamında Türkiye genelinde 2000 toplantı gerçekleştirdik.
Bu toplantılarda kadınların, gençlerin, farklı etnik ve inanç gruplarının yanı sıra meslek… pic.twitter.com/erHjBKERcZ
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse